МАҲСУЛОТИ ХУШСИФАТИ КОРХОНА

                          Душанбе, 29 май. (АМИТ «Ховар», Кристина Эрлих).- Саноати озуқаи Тоҷикистон яке аз соҳаҳои муҳими саноати мамлакат мебошад, ки вазъияти бозори истеъмолии ҷумҳурӣ аз бисёр ҷиҳат ба пешрафти он вобаста аст.                          Корхонаи саноатии ҶС «Аромадон» дар вилояти Суғд барои ҳамаи навъҳои хӯрока махлутҳои гуногун тайёр мекунад. Онҳо барои истеҳсоли навъҳои гуногуни ҳасиб, хӯрокҳои дигари гӯштдор, тӯшбера, кабоби мурғ ва хӯрокҳои дигари нимтайёри дар пакетҳо ва банкаҳо ҷойдодашуда истифода бурда мешавад.                          Ҷамъияти саҳҳомии «Аромадон» бо корхонаҳои коркарди гӯшти саросари ҷумҳурӣ ҳамкорӣ дорад. Дар ин ҷо одат шудааст, ки хӯрокҳои дорои моддаҳои зарарноки химиявиро истифода набаранд. Тамоми маҳсулоти корхона ба талаботи стандарти ҷаҳонӣ ҷавобгӯ мебошад.                            ҶС «Аромадон»-борҳо дар намоишгоҳҳои байналхалқӣ иштирок кардааст, бинобар ин талабот ба маҳсулоти он ҳамеша вуҷуд дорад.