МАБЛАҒ БАРОИ ИСТИРОҲАТ ВА РУШДИ ЭСТЕТИКӢ НОКИФОЯ АСТ

                         Душанбе, (АМИТ «Ховар», Лаззат Диловарзод).- Бино ба иттилои вазири меҳнат ва ҳифзи иҷтимоии аҳолӣ Шукурҷон Зуҳуров, даромади пули аҳолӣ дар моҳи январи соли 2009 аз рӯи маълумоти пешакӣ 664,2 млн. сомониро ташкил карда, нисбат ба ҳамин давраи соли 2008 бо нархҳои амалӣ 1,7 фоиз кам шудааст.                        Хароҷоти пулӣ ва амонатҳои аҳолӣ дар моҳи январи соли 2009 -ум 885 млн. сомониро ташкил дод.                       Барои хариди молҳо ва пардохти хизматрасонии аҳолӣ 61 фоиз ва барои пардохти ҳатмӣ ва ҳаққи узвияти ихтиёрӣ, мутаносибан 26,7 фоизи ҳаҷми умумии хароҷоти пулӣ ва амонатҳоро сарф кардааст.                      Даромади ҳақиқии дар ихтиёр доштаи аҳолӣ дар семоҳаи аввали соли 2009 нисбат ба ҳамин давраи соли 2008 18, 6 фоиз кам шудааст.                          Таҳлили рақамҳои даромад ва хароҷот нишон медиҳанд, ки аҳолӣ маблағҳои ба дастовардаи худро асосан барои маводи ҳаётан зарур — хӯрокворӣ сарф менамояд. Ин аст, ки бо сабаби нокифоятии маблағ аҳолӣ наметавонад аз маблағи бадастоварда барои истироҳат, ва рушди эстетикӣ истифода кунад.