МУЛОҚОТ БО ТАРБИЯТГИРАНДАГОНИ ХОНАИ КӮДАКОН

                        Душанбе, 25 май. (АМИТ «Ховар», Лутфия Эшонқулова).-Бо ташаббуси Вазорати фарҳанги ҶТ дар Рӯзи байнамилалии ҳифзи кӯдакон — 1 июн кормандони Китобхонаи ҷумҳуриявии бачагонаи ба номи М. Миршакар ва адибони ҷумҳурӣ бо тарбиятгирандагони Хонаи кӯдакони синни томактабии № 1 вохӯрӣ мегузаронанд. Директори китобхона Қурбон Афғонов ба мухбири АМИТ «Ховар» хабар дод, ки онҳо ният доранд, бо тарбиятгирандагон сӯҳбат ороста, ба онҳо дар бораи ҳифзу ҳукуқҳои бачагон маълумот диҳанд. Дар доираи мулоқот намоиши китоб, ки дар он адабиёти гуногуни бачагона ба маърази тамошо гузошта мешавад, доир мегардад.                        Дар хотима, ба тарбиятгирандагон тӯҳфаҳои хотирмон, аз ҷумла китобчаҳо тақдим карда хохад шуд.