МУЛОҚОТИ О. ОҚИЛОВ БО РОҲБАРИ «ТЕТИС-ПЕТРОЛИУМ»-и ИМА

                       Душанбе, 18 май. (АМИТ «Ховар», Наргис Бояхмедова). — Сарвазири ҷумҳурӣ Оқил Оқилов 17 май бо Президенти ширкати «Тетис-Петролиум»-и Девид Робсон мулоқот кард.                       Зимни мулоқот масоили ҳамкории Тоҷикистон бо ин ширкати амрикоӣ дар соҳаи истихроҷи нафту газ ва дурнамои фаъолияти он дар Тоҷикистон баррасӣ гардид.                         Зикр гардид, ки ширкати «Тетис Тоҷикистон Лимитед» то охири соли 2010 метавонад дар таъмини пурраи аҳолӣ ва саноати Тоҷикистон бо гази табиӣ нақши намоён гузорад.                         Ҷонибҳо густариши фаъолияти ширкатро шаҳодати мусоидати сиёсӣ, ва сармоягузорӣ ба иқтисодиёти Тоҷикистон арзёбӣ карданд.                        Дар ин бора ба АМИТ «Ховар» аз Хадамоти матбуоти Сарвари давлат иттилоъ доданд.