НАШЪАҶАЛЛОБИ АФҒОН ДАСТГИР ШУД

                     Душанбе. 13 май. (АМИТ «Ховар», Анварбек Сиддиқов).- Чанде қабл кормандони Агентии назорати маводи нашаъовари назди Президенти Ҷумҳурии Тоҷикистон дар натиҷаи амалиёти махсус дар ҳудуди истгоҳи автомобилии шаҳри Қӯрғонтеппа шаҳрванди Ҷумҳурии Исломии Афғонистон Х.Н.-ро .(номаш барои халалдор насохтани тафтишот ифшо намешавад) боздошт намуданд. Ҳангоми кофтуков аз ӯ ба миқдори 9 кг 228 грамм афъюн ёфт ва мусодира карданд. Тафтишот муайян намуд, ки маводи мусодирашуда барои интиқол ба хориҷи кишвар пешбинӣ шуда буд.                     Аз АНМН ба АМИТ «Ховар» хабар доданд, барои муайян намудани шахсони ба ин амал дастдошта тафтишот давом дорад.