ПРЕЗИДЕНТ ҶТ БА ИШТИРОКЧИЁНИ ҶБВ КӮМАКИ МОДДӢ РАСОНД

                     Душанбе, 7 май. (АМИТ «Ховар», Тахмина Ғоибназарова).- Президенти Ҷумҳурии Тоҷикистон ба муносибати 64 солагии Ғалаба дар ҶБВ ба иштирокчиён, ветеранҳо ва коргарони ақибгоҳ, инчунин аъзои оилаи саробонашон дар ҷанг ҳалокшуда ба маблағи 350 сомонӣ кӯмак расонд. Дар ин бора раиси Шӯрои ветеранҳои Ҷумҳурӣ Раҳматҷон Қудратов ба АМИТ «Ховар» хабар дод. Вай зикр намуд, ки мувофиқи дастури Президенти ҶТ Эмомали Рахмон аз 23 апрели соли 2009, барои расонидани кӯмаки моддӣ ба иштирокчиёни ҷанг аз ҳисоби захираи эҳтиётии сардори давлат 1 миллиону 204 ҳазору 350 сомони ҷудо карда шуд.