PУШДИ СОҲАИ ТАНДУРУСТӢ ДАР ФАРХОР

              Фархор, 5 май, (АМИТ «Ховар», Сулаймон Холов).-Бо мақсади беҳтар гардидани хизматрасонии тиббӣ дар ноҳияи Фархор корҳои сохтмонӣ ва меъморӣ вусъат меёбанд, гуфт зимни як нишасти матбуотӣ раиси ноҳия Шариф Ғаффоров ва афзуд, ки айни ҳол аз буҷаи ҷумҳурӣ маблағи 300 ҳазор сомонӣ ҷудо гардида, таъмири шӯъбаҳои ҷарроҳӣ ва бемориҳои дарунӣ идома дорад. Дар ин давра аз ҳисоби буҷаи ноҳия 30 ҳазор сомонӣ барои таъмири ташхисгоҳ, бо маблағгузорӣ аз буҷаи ҷумҳурӣ маркази саломатии Туғул ба маблағи 200 ҳазор сомонӣ ва сохтмони даромадгоҳи беморхона дар арафаи анҷомёбианд. Мавриди зикр аст, ки бо ташаббуси аҳолӣ бо тариқи ҳашар сохтмони 2 бунгоҳи саломатӣ идома ёфта, то охири моҳи маи соли равон мавриди истифода қарор мегиранд.