ТЕППАҲОБОҒҲОИ НАВ БУНЁД МЕГАРДАНД

                      Душанбе, 8 май. (АМИТ «Ховар», Лаззат Диловарзод).- Бо мақсади иҷрои дастуру супоришҳои Президенти кишвар Эмомалӣ Раҳмон соли ҷорӣ дар талу теппаҳои шоҳроҳи Душанбе — Ваҳдат, Душанбе — Қӯрғонтеппа ва Душанбе — Турсунзода боғҳои нав бунёд карда шуд.                    Дар ҳудуди деҳоти «Гулистон», ки дар шоҳроҳи Душанбе-Ваҳдат қарор дорад, 24 гектар боғ ва 10 гектар токзор бунёд карда шуда, ҳазорон дарахтони ҳамешасабз шинонда шудааст.                     Бунёди зинабоғҳо дар шоҳроҳи Душанбе- Қӯрғонтеппа ва Душанбе -Турсунзода дар давоми панҷ соли оянда бо маслиҳати мутахассисон- олимони боғпарвар ба садҳо гектар расонида мешавад.