«ТОҶИКСТАНДАРТ» ТАРАФДОРИ ЧАРОҒАКҲОИ КАММАСРАФ

                       Душанбе, 6 май. (АМИТ «Ховар», Кристина Эрлих).- Рӯзҳои охир мутахассисони Агентии стандартикунонӣ, метрология ва назорати савдои «Тоҷикстандарт» хеле серташвиш буданд. Тамоюли сарфа кардани қувваи барқ, ки тамоми ҷаҳонро фаро гирифтааст, Тоҷикистон ҳам аз ӯ дар канор нест. Дар мамлакат, баъди қабул кардани Фармони Президенти ҷумҳурӣ дар бораи истифода бурдани чароғакҳои каммасраф, талабот ба онҳо зиёд шуд. Инчунин воридоти чунин чароғакҳо ба Тоҷикистон афзуд. Сифати маҳсулоти воридшударо мутахассисони Агентии «Тоҷикстандарт» тафтиш мекунанд.                   Ба қавли сардори шӯъбаи назорати давлатии Агентӣ Бой Рабиев, ки мутахассисон чанд намуди ин чароғакҳоро санҷиданд.                    Санҷиш нишон дод, ки лампаҳои нав воқеан ҳам каммасраф будаанд, — мегӯяд Бой Рабиев.- Мо ҳисоб карда баромадем, ки агар ними аҳолии Тоҷикистон ба истифодаи ин чароғакҳои каммасраф гузарад, сарфаи қувваи барқ чандин маротиба меафзояд.                      Ба қавли мутахассис чароғакҳои мазкур дар давоми 3 ҳазор соат бе каму кост кор мекунанд. Истифодаи як чароғаки каммасрафи 20 Ватта ҷои 5 чароғаки муқаррарии 100 Ваттаро мегирад. «Метавон гуфт, ки чароғакҳои каммасраф ҷиҳати мусбиашон зиёд аст, аз ин рӯ, тоҷикистониён метавонанд аз онҳо истифода баранд. Ҳамаи чароғакҳои озмудашуда сертификати сифати баланд дошта, ба талаботи стандартӣ ҷавобгӯ мебошанд»,- қайд кард Бой Рабиев.