ЗАРИФ АЛИЗОДА–ВАКОЛАТДОР ОИД БА ҲУҚУҚИ ИНСОН ДАР ҶУМҲУРИИ ТОҶИКИСТОН
Зариф Ализода 5 майи соли 1962 дар ноҳияи Ҷалолиддини Румӣ таваллуд шудааст. Маълумоташ олӣ, соли 1984 факултаи ҳуқуқшиносии Донишгоҳи давлатии Тоҷикистонро бо дипломи аъло хатм кардааст. Номзади илми ҳуқуқ. Фаъолияти меҳнатиашро соли 1984 ба сифати ассисенти кафедраи Назария ва таърихи давлат ва ҳуқуқи донишгоҳи давлатии Тоҷикистон оғоз намудааст. Солҳои 1986 — 1990 ба ҳайси коромӯз ва аспиранти пажӯҳишгоҳи давлат ва ҳуқуқи Академияи илмҳои СССР дар шаҳри Маскав кору таҳсил кардааст. Соли 1990 рисолаи номзадиро дар мавзӯи «Созмонҳои ҷамъиятӣ дар низоми сиёсии ҷумҳуриҳои иттифоқӣ» дифоъ намуд. Баъди хатми аспирантура дар кафедраи номбурдаи Донишгоҳи давлатии Тоҷикистон фаъолияти омӯзгориро давом додааст. Сипас, дар вазифаҳои мушовири Кумитаи қонунгузории Шӯрои Олии Ҷумҳурии Тоҷикистон, Раиси Кумитаи назорати конститутсионии Ҷумҳурии Тоҷикистон, муовини Раиси Суди конститутсионии Ҷумҳурии Тоҷикистон фаъолият намудааст. Соли 2000 вакили Маҷлиси намояндагони Маҷлиси Олии Ҷумҳурии Тоҷикистон интихоб шуда, вазифаи Раиси кумитаи қонунияти конститутсионӣ, қонунгузорӣ ва ҳуқуқи инсони Маҷлиси намояндагони Маҷлиси Олии Ҷумҳурии Тоҷикистонро ба ӯҳда дошт. Солҳои 2001 — 2003 дар вазифаҳои Сардори Раёсати хизмати давлатии назди Президенти Ҷумҳурии Тоҷикистон, солҳои 2003 — 2006 Раиси Суди конститутсионии Ҷумҳурии Тоҷикистон кор кардааст. Моҳи декабри соли 2006 бо фармони Президенти Ҷумҳурии Тоҷикистон Мушовири давлатии Президенти Ҷумҳурии Тоҷикистон оид ба сиёсати ҳуқуқӣ — Намояндаи комилҳуқуқи Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон таъин шуд. Муаллифи беш аз 50 асарҳои илмӣ, дорои тахассуси судяи дараҷаи олӣ, унвони фахрии «Арбоби илм ва техникаи Тоҷикистон» ва ордени «Дӯстӣ» мебошад.Оиладор, соҳиби 5 фарзанд. Бо фармони Президенти Ҷумҳурии Тоҷикистон аз 27 майи соли 2009 Ваколадор оид ба ҳуқуқи инсон дар Ҷумҳурии Тоҷикистон таъин гардид.
Дар Донишгоҳи байналмилалии сайёҳӣ ва соҳибкорӣ бахшида ба Рӯзи Ваҳдати миллӣ ҳамоиш баргузор шуд
Барои пешгирии вайроншавии қабати болоии роҳ аз таъсири ҳавои гарм чӣ тадбир андешида мешавад?
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
