ҲАВОПАЙМОҲОИ ХФБ-И РУСИЯ ДАР БАДАХШОН

                Душанбе, 16 июн. (АМИТ «Ховар», Лаззат Диловарзод).- Бино ба иттилои сардори маркази матбуоти Сарраёсати қӯшунҳои сарҳадии Кумитаи давлатии амнияти миллӣ Хушнуд Раҳматуллоев, дар асоси Созишнома миёни Ҷумҳурии Тоҷикистон ва Федератсияи Россия аз моҳи октябри соли 2004 оид ба ҳамкорӣ дар сарҳад, 2 ҳайати ҳавопаймоӣ — АН-26 ва АН- 72-и Хадамоти федералии бехатарии Федератсияи Россия барои кӯмаки маҷонӣ ба ихтиёри қӯшунҳои сарҳадии Кумитаи давлатии амнияти миллиии Тоҷикистон дар сарҳади Вилояти Мухтори Кӯҳистони Бадахшон супорида шуданд.               Ҳайати ҳавопаймоӣ дар ин муддат беш аз 65 тонна борҳои гуногунро тавассути ин 2 ҳавопаймо ба сарҳадбонони ВМКБ интиқол додааст.                Бино ба иттилои ҳамин манбаъ, минбаъд ҳам дар доираи ҳамин Созишнома, ҳайати идоракунандаи ҳавопаймоҳои сарҳадии ХФБ- и Россия ба сарҳадбонони тоҷик кӯмак хоҳанд кард.