ҶУСТУҶЎИ ҲАВОПАЙМОИ ГУМШУДА ДАВОМ ДОРАД

                 Рио де — Жанейро, 2 июн. (АМИТ «Ховар»- ИТАР-ТАСС).- Ҷустуҷӯи ҳавопаймои мусофирбари ширкати ҳавонавардии Фаронса, ки 2 рӯз пеш зимни парвоз дар фазои уқёнуси Атлантика гум шуда буд, то ҳол давом дорад. Дар амалиёти ҷустуҷӯи ҳавопаймо киштиҳо ва ҳавопаймоҳои Фаронса ва Бразилия иштирок доранд.                  Фаронса аз Амрико хоҳиш намуд, ки радифҳои сунъии худро ба маҳалли ҷустуҷӯи ҳавопаймо равона созад.                   Мақомоти марзбони Сенегал дирӯз хабар доданд, ки дар наздикии соҳилҳои мамлакат шикастапораҳои ҳавопайморо дарёфт кардаанд. Алҳол маълум нест, ки ин шикастапораҳо ба ҳавопаймои гумшудаи Фаронса мутааллиқанд ё не.Хабар дода мешавад, ки ҳавопаймои мусофирбари Фаронса 1 июн зимни парвоз аз шаҳри Рио де-Жанейро ба Париж дар фазо гум шуд. Сарнишинони он қабл аз ин хабар дода буданд, ки ҳавопаймо ба гирдоби шадид дучор шудааст. Алоқаи радио бо ҳавопаймо баъди 3,5 соати парвоз қатъ гардид.                  Ҳавопаймо 12 сарнишин ва 228 мусофир дошт, яке аз мусофирони он шаҳрванди Русия мебошад.