БОЛОРАВИИ ҚУРБИ ДОЛЛАР ДАР МАНОТИҚИ КИШВАР

                     Душанбе, 8 июн. (АМИТ «Ховар», Бекназари Абӯбакр). — Дар давоми рӯзи 8 июн қурби миёнаи хариду фурӯши доллари ИМА дар нуқтаҳои мубодилаи асъори шаҳри Душанбе бетағйир боқӣ монда, дар ҳудуди 4,4350 — 4,4450 сомонӣ амалӣ гардид.                     Аз маркази матбуоти Бонки миллии Тоҷикистон ба АМИТ «Ховар» иттилоъ доданд, ки дар минтақаҳои ҷумҳурӣ қурбҳои асъори хориҷӣ нисбат ба рӯзи гузашта каме боло рафта, ба ҳисоби миёна 4,40 — 4,42 сомониро ташкил кард.                     Дар асоси қурбномаи ташкилотҳои қарзӣ ва нуқтаҳои мубодилаи асъори шахсони воқеии ҷумҳурӣ, имрӯз қурби миёнаи хариду фурӯши 10 рубли русӣ 1,41 — 1,43 сомонӣ ва 1 евро 6,05 — 6,07 сомониро ташкил дод.