ДАР ЧИН БЕМОРИИ A/HINI ПАҲН МЕШАВАД

                            Пекин, 1 июн. (АМИТ «Ховар» РИА Новости).- Агентии иттилоотии Синхуа хабар дод, ки дар давоми шабонарӯзи гузашта дар Чин боз 9 нафари дигар ба бемории зукоми A/HINI гирифтор шуд. Ҳамин тариқ, шумораи шахсони ба ин беморӣ гирифторшуда дар ин мамлакат ба 67 нафар расид. Қайд карда мешавад, ки қисми зиёди беморон шахсони аз хориҷа омада мебошанд.                               Вазорати тандурустии мамлакат барои пешгирии паҳн гардидани беморӣ тадбирҳо меандешад.                                 Созмони ҷаҳонии тандурустӣ хабар дод, ки то имрӯз дар 53 мамлакати ҷаҳон 15 ҳазору 510 нафар ба бемории мазкур гирифтор шуд. Аз ин ҷумла 99 нафар вафот кард.