ДАР СУҒД ТО ҲОЛ МОШИНҲОИ ХИЗМАТИРО ДАР ТӮЙҲО ИСТИФОДА МЕБАРАНД

                  Душанбе, 11 июн.(АМИТ «Ховар», Лаззат Диловарзод).- Сарвари давлат пешомадҳои бӯҳрони молиявиро моҳиятан ҳанӯз солҳои 1999- 2000-ум дарк кард ва баҳри беҳтар гардидани шароити зндагии мардум аз 27-уми апрели соли 2007 Амри Президент таҳти рақами 161 ба имзо расид.                  Дар банди 2-юми ин Амр истифодаи автомашинаҳои хизматии мақомоти марказӣ ва маҳаллии ҳокимияти давлатӣ, ҷамоатҳо муассисаю корхонаҳо ва ташкилотҳои давлатӣ бо мақсади иштирок дар расму оин ва ҷашну маросимҳо манъ карда шудааст.                 Дар давоми амали Амри мазкур, мувофиқи гузориши мақомоти расмӣ, дар вилояти Суғд 754 ҳолатҳои истифодабарии ғайримақсадноки воситаҳои нақлиёти хизматӣ ва дар вилояти Хатлон 201 ҳолати вайрон кардани банди дуюми ин Амр ошкор шуда, ҳуқуқвайронкунандагон ба ҷавобгарии маъмурӣ кашида шуданд.