ДАР ВИЛОЯТИ СУҒД 26 КОРХОНАИ САНОАТӢ АЗ ФАЪОЛИЯТ БОЗМОНД

                 Душанбе, 10 июн. (АМИТ «Ховар», Бекназари Абӯбакр). — Дар вилояти Суғд дар давоми 5 моҳи аввали соли ҷорӣ дар соҳаи саноат ҳаҷми истеҳсоли маҳсулот 392,7 сомониро ташкил намуд, ки ин нишондиҳанда нисбат ба ҳамин давраи соли гузашта бештар аст. Аз 234 корхонаи саноатӣ 135 корхона ё ки 57,7 фоиз нисбати ҳамин давраи соли гузашта бештар маҳсулот истеҳсол намуда, 73 корхона ё ки 31,2 фоиз ҳаҷми истеҳсоли маҳсулотро кам намудаанд ва 26 корхона ё ки 11,1 фоиз аз фаъолият боз мондаанд.                Аз маркази иттилоот ва таҳлили дастгоҳи раиси вилояти Суғд ба мухбири АМИТ «Ховар» иттилоъ доданд, ки соли ҷорӣ 6 корхонаи нав ва таҷдидшудаи саноатӣ ба фаъолият оғоз намуданд ва ба ин васила 190 ҷойи нави кории иловагӣ таъсис дода шуд.                Мавриди зикр аст, ки дар давоми панҷ моҳи соли ҷорӣ маҳсулоти соҳаи кишоварзӣ 256,6 миллион сомониро ташкил дода, ин нишондод нисбати ҳамин давраи соли гузашта 7,6 фоиз зиёд аст.