ГЕРОИН ДАР МЕВАИ ХУШК

                       Маскав, 24 июн. (АМИТ «Ховар», Ҳалима Хушқадамова).- Хадамоти федералии назорати маводи нашъадори Федератсияи Русия барои дастгир кардани аъзои гурӯҳи муташаккили қочоқчиёни нашъа амалиёти махсус гузаронд. Ба фаъолияти ин гурӯҳ, ки дар Русия амал мекард, аз Тоҷикистон роҳбарӣ карда мешуд. Ба хадамоти мазкур хабар дода шуд, ки аъзои гурӯҳ миқдори зиёди маводи нашъадорро аз Тоҷикистон ба Русия овардан мехоҳад. Қочоқчиён маводи нашъадорро бо мошини боркаши «Мицубиси Контер» оварданӣ буданд. Мошини боркаши мазкурро гурӯҳи дигари қочоқчиён дар мошини сабукрави «Ровер» муҳофизат мекард. Дар ҷараёни амалиёти дастгир намудани коҷокчиён ба кормандони политсия муқовимати муссалаҳона нишон дода шуд. Яке аз кормандони политсия дар зери мошин монд. Дар мошини боркаш қариб 2 тонна меваи хушк ҷой карда шуда буд. Дар дохили зардолуқоқ қариб 3,5 килограм маводи нашъадори героин пинҳон карда шуда буд. Дар натиҷаи амалиёт 4 шаҳрванди Тоҷикистон дастгир карда шуд.