МАСЪУЛИЯТИ ВОЛИДАЙН ДАР ТАРБИЯИ ФАРЗАНД

                  Душанбе, 19 июн. (АМИТ «Ховар», Лутфия Эшонқулова).- «Масъулияти волидайн дар тарбияи фарзанд»- таҳти чунин унвон китоби нави унвонҷӯи Академияи таҳсилоти миллии ҶТ, устоди Донишкадаи давлатии забонҳои Тоҷикистон ба номи С. Улуғзода Фирӯза Ҳоҷиева дар нашриёти «Ирфон» аз чоп баромад.                  Муаллиф дар асоси анъана ва суннатҳои пурарзиши исломӣ, таълимоти Қуръони маҷид ва ҳадисҳои набавӣ, назари чанде аз исломшиносон нисбат ба мавқеи ислом дар боби тарбият, истифодаи дурусту бамавриди он дар тарбияи насли ҷавон, бартараф намудани падидаҳои номатлуб, аз қабили майхорагӣ, истифодаи маводи махаддир, камнуфуз гардидани хонавода ва ғайраҳо мулоҳизаҳои судманд пешниҳод кардааст.                  Рисола барои донишҷӯён, устодон, омӯзгорон ва пажӯҳишгарони масоили таълиму тарбият, волидайн ва алоқамандони илми педагогика пешниҳод мегардад.