РАИС БА КОМРОН РОҲХАТ ДОД

               Мӯъминобод, 8 июн. (АМИТ «Ховар», Сулаймон Холов). — Раиси ноҳияи Мӯъминобод Сафаралӣ Зокиров дар вазъияти тантанавӣ ба хатмкунандаи гимназияи «Ҳиммат» Комрон Мусоев ифтихорномаю медали биринҷии олимпиадаи ҷумҳуриявӣ, 300 сомонӣ мукофот ва роҳхат барои дохилшавӣ ба мактаби олиро супурд.                 Боиси зикр аст, ки Комрон дар олимпиада аз фанни информатика соҳиби ҷои 3-юм гардид. Ин аввалин маваффақияти хонандагони гимназияи мазкур маҳсуб меёбад. Дар комёбии хонандагони гимназия хизмати омӯзгори фанни информатика Ҷумъаназар Муродов басо арзанда аст. Дар ин ҷамъомад устод низ бо 500 сомонӣ қадрдонӣ карда шуд.                                                                                                                   Таҳрири Жасмин Назарова