ШИРКАТИ РУСИЯГӢ МУҲОҶИРОНИ ТОҶИКРО ДАЪВАТ МЕНАМОЯД

               Душанбе, 4 мая. (АМИТ «Ховар», Ибодат Давлатова). — 70 нафар ҷавонони тоҷик барои кор ба Ширкати аграрии «Бунятина»-и вилояти Москваи Федератсияи Русия равон карда мешаванд.               Тавре ба мухбири АМИТ «Ховар» аз маркази матбуоти Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд, 3 май раиси кумитаи мазкур Маликшо Неъматов бо муовини директори Ширкати «Бунятина» Виктор Дрожжинов мулоқот намуда, як қатор шартномаҳои ҳамкориро ба имзо расонид.               Мавриди зикр аст, ки сафарбар намудани ҷавонон рӯзи 12 июн оғоз гардида, ҷониби даъваткунанда даъватшавандагонро бо чиптаҳои ройгон, ҷойи зист ва маоши аз 12 то 18 ҳазор рубли русӣ таъмин менамояд.