СОХТМОНИ РОҲИ МОШИНГАРДИ ДУШАНБЕ-БЎСТОН ДАВОМ ДОРАД
Душанбе, 16 июн. (АМИТ «Ховар», Кристина Эрлих).- Муовини мудири иҷроияи Маркази сохтмон ва тармиму таҷдиди роҳи моншингарди Душанбе-Бӯстон Рустам Абдуллоев ба мухбири АМИТ «Ховар» хабар дод, ки иҷрои корҳои дар даври аввали сохтмони роҳ пешбинишуда бо сабаби боронҳои тӯлонии фасли баҳори имсола, омадани сел ва фуромадани ярчу тармаи зиёд то моҳи август мавқуф гузошта мешавад. Р. Абдуллоев зикр намуд, ки қисми зиёди корҳо дар сохтмони роҳи мазкур аллакай анҷом дода шудаанд. Тармиму таҷдиди қисмати шимолии роҳ аз километри 169 -ум сар карда то километри 368 дар сарҳади Ўзбекистон анҷом дода шуданд. Айни ҳол қисмҳои душворгузари роҳ, дар километри 16-ум дар ҳудуди ноҳияи Варзоб, километри 82 дар ҳудуди ноҳияи Айнӣ ва километри 4-ум аз ҷониби вилояти Суғд тармим карда мешаванд. Қирпӯш кардани роҳ ва мустаҳкам кардани ду тарафи он дар даври аввал пурра анҷом дода шуданд. Ёдовар мешавем, ки барои тармиму таҷдиди роҳи мазкур 295 миллиону 900 ҳазор доллари ИМА ҷудо карда шуда буд. Қисмати зиёди маблағи мазкурро Бонки содироту воридоти Ҷумҳурии Мардумии Чин ба зимма гирифтааст. Барои корҳои дар даври аввал пешбинишуда 168 миллион доллари ИМА сарф карда мешавад. Давраҳои 2 ва 3-юми сохтмони роҳ бояд моҳи июли соли 2010 анҷом дода шавад. Роҳи мазкурро дар давоми солҳои 2010-2011 комиссияи махсуси давлатӣ қабул менамояд. Р. Абдуллоев зикр намуд, ки умуман тармими роҳ мувофиқи нақша давом дорад ва моҳи сентябри соли 2011 дар арафаи таҷлили 20 -солагии Истиқлолияти ҷумҳурӣ пурра ба истифода дода мешавад.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
