СОХТМОНИ СИЛСИЛАНЕРӮГОҲҲО ДАР ВАХШ ҲАҚҚИ ТОҶИКИСТОН АСТ

                 Душанбе, 15 июн. (АМИТ «Ховар», Лаззат Диловарзод).- Бино ба гуфти иқтисодшинос Холназар Муҳаббатов, дар Тоҷикистон 70 фоизи дарёҳо сарҳадгузар нестанд.                  Ба ин дарёҳо; Ваш, Кофарниҳон, Хингоб, Ғунд, Ванҷ, Бартанг ва Шохдара шомиланд. Ин маънои онро дорад, ки Тоҷикистон ин дарёҳоро бо хости худ истифода карда метавонад.                   Ҳамаи он касоне даъво доранд, ки Вахш сарҳадгузар аст, сахт иштибоҳ мекунанд,- иброз дошт Х . Муҳаббатов. Вахш дар дохили Тоҷикистон ҷорист ва дар марзи Афғонистон мерезад, то резишгоҳ сарҳади ягон давлатро убур намекунад.                  Агар сухан дар бораи сохтмони нерӯгоҳи Роғун равад, ҳатто коршиноси энержии Бонки Ҷаҳонӣ дар Аврупо ва Осиёи Марказӣ Рагувир Шарм дар як гузориши худ гуфтааст, ки Тоҷикистон сад фоиз ҳақ дорад дар рӯдхонаи Вахш нерӯгоҳи Роғунро бунёд кунад.