ВАЗОРАТИ ФАРҲАНГ БА «ИНТЕРПОЛ» МУРОҶИАТ НАМУД

                   Душанбе, 23 июн. (АМИТ «Ховар», Лаззат Диловарзод).- Бино ба иттилои идораи гумруки вилояти Хатлон, шаҳрванди афғон Абдулвоҳид Ғуломҷон ҳангоми аз постгоҳи «Панҷи Поён» бо худ бурдани 6 адад осори заргарии нуқрагин, ки арзиши таърихию фарҳангӣ доранд, дастгир шудааст.                   Бино ба гуфти котиби матбуотии идораи гумруки вилояти Хатлон ин ашёҳо ба рӯйхати осоре ворид мешаванд, ки аз Ҷумҳурии Тоҷикистон бароварданашон манъ карда шудааст.                    Танҳо соли ҷорӣ аз постгоҳҳои гумрукии «Панҷи Поён» ва «Турсунзода» беш аз 100 кӯшиши қочоқи осори таърихию фарҳангӣ пешгирӣ шудааст.                     Вазорати фарҳанг аз тариқи «Интерпол» мусаввараҳои нобудшударо, ки аз осорхонаҳои Тоҷикистон рабуда шудаанд, ҷустуҷӯ мекунад.