ҲАННС ЗАЙДЕЛ БА ХИЗМАТЧИЁНИ ДАВЛАТӢ КӮМАК МЕРАСОНАД
Душанбе, 8 июл.(АМИТ «Ховар», Марзия Саидова).-Хазинаи олмонии Ҳаннс Зайдел тасмим гирифтааст, ки пардохти маблағи курсҳои яксола аз рӯи барномаи магистрии «Идоракунии давлатӣ» барои хизматчиёни давлатиро дар Тоҷикистон ба ӯҳда гирад. Инчунин, хазинаи мазкур бо компютер, принтер ва проектори мултимедӣ таъмин намудани ҷараёни таҳсилро низ ба зимма гирифтааст. Бояд тазаккур дод, ки хазинаи Ҳаннс Зайдел ҳамкории худро бо Донишкадаи такмили ихтисоси хизматчиёни давлатии Ҷумҳурии Тоҷикистон аз соли 2005 инҷониб тақвият мебахшад. Чанде пеш зимни сафари омӯзишии кормандони Дастгоҳи иҷроияи Президенти ҷумҳурӣ, Раёсати хизмати давлатии назди Президенти ҷумҳурӣ ва Донишкадаи такмили ихтисоси хизматчиёни давлатӣ ба Олмон байни Донишкадаи мазкур ва Хазинаи Ҳаннс Зайдел се санад, аз ҷумла Созишнома оид ба ҳамкории Донишкадаи такмили ихтисоси хизматчиёни давлатӣ бо Хазинаи Ҳаннс Зайдел ба имзо расонида шуд. Назар ба иттилои муовини сардори шӯъбаи таҳлилию иттилоотӣ ва ташкилии хизмати давлатии Раёсати хизмати давлатӣ Аҳад Содиқов, Хазинаи Ҳаннс Зайдел соли 1977 дар Олмон таъсис дода шуда, ҳадафаш кӯмак ба кишварҳои рӯ ба тарраққӣ дар масоили илму фарҳанг ва хизмати давлатист.
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
