ФАЛОКАТИ ҲАВОПАЙМО ДАР ЭРОН
Теҳрон, 25 июл. (АМИТ «Ховар», Лента.ру).- Дар қисмати шимолу шарқии Эрон як ҳавопаймои мусофирбар ба фалокат дучор шуд. Аз ҷумлаи мусофирони он 17 кас ҳалок ва 19 нафар маҷрӯҳ шуд. Аз рӯи хабари дигар дар натиҷаи ин фалокат 30 нафар ҳалок шудааст. Ҳавопаймо умуман 153 мусофир дошт. Телевизиони давлатии Эрон хабар дод, ки ҳавопаймо аз Теҳрон ба Машҳад парвоз мекард. Ҳавопаймо зимни фуруд омаданаш ба майдони ҳавоии Машҳад аз хатти нишаст баромада рафт ва оташ гирифт. Хабар дода мешавад, ки ҳавопаймои мазкур ИЛ-62 буда аз ширкати ҳавоии Қазоқистон ба иҷораи дарозмуддат гирифта шудааст. Онро сарнишинони қазоқ идора мекарданд. Аз рӯи хабарҳои расида ҳамаи сарнишинони ҳавопаймо ҳалок шудаанд. Ёдовар мешавем, ки тақрибан як ҳафта пеш ҳавопаймои дигари мусофирбари Эрон зимни парвоз аз Теҳрон ба Ереван дар ҳудуди вилояти Қазвин ба фалокат дучор шуд. Дар натиҷа ҳамаи мусофирони он ҳалок шуданд. Воситаҳои ахбори оммавӣ боз дар бораи як фалокати дигари ҳавопаймо хабар доданд. Дирӯз ҳавопаймои ширкати «Аэрофлот»-и Русия зимни фуруд омаданаш ба майдони ҳавоии «Шереметево» оташ гирифт. Ҳавопаймои мазкур аз шаҳри Ханой ба Маскав парвоз мекард. Мусофирони он осеб надидаанд.
Муассисаҳои таълимӣ ноҳияи Муъминобод ба зимистонгузаронӣ омода карда мешаванд
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
