ФАЪОЛИЯТИ «ҶУМЪАБОЗОР» БАРҚАРОР ШУД

               Душанбе, 28 июн. (АМИТ «Ховар», Лаззат Диловарзод).- Бино ба иттилои муовини раиси ноҳияи Восеъ Ш. Зоиров «Ҷумъабозор» — и деҳаи Қубоншаҳиди деҳоти Гулистони ноҳия баъди таъмиру батартибории дӯконҳои савдо аз нав ба кор оғоз кард.                Алҳол дар «Ҷумъабозор» — и деҳаи Қубоншаҳид, ки бо дастгирии соҳибкорони маҳаллӣ аз нав таъмиру таҷдид карда шудааст, барои ҳамаи соҳибкорон ҷои фурӯш ва шароити мувофиқ муҳайё карда шудааст. Баъди таҷдид харидорон чизи заруриашонро аз секторҳои он, ки ба лавҳаҳои хеле зебою хоно навишта шудаанд, ба осонӣ пайдо карда метавонанд. Ин тарзи ба шӯъбаю секторҳо ҷудо намудани растаҳои савдо барои мардум хеле писанд аст.                 Дар сектори маҳсулоти хӯрокворӣ, аз ҷумла, маҳсулоти гӯшту шир лабораторияи озмоишӣ сохта ба истифода дода шуд, ки он барои пешгирии ҳамагуна бемориҳо мусоидат мекунад.                 Маҳсулоти кишоварзии «Ҷумъабозор» — и Қурбоншаҳид дар минтақаи Кӯлоб арзонтарин маҳсулот ҳисобида мешавад.