ФУТБОЛ ДАР РАШТ

               Душанбе, 15 июл. (АМИТ «Ховар», Пайрав Назаров).- Бо дастгирии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Академияи миллии Олимпии Ҷумҳурии Тоҷикистон дар шаҳраки Нуробод мусобиқаи минтақавӣ оид ба футбол байни дастпарварони мактабҳои варзишӣ баргузор гардид. Дар ин мусобиқа 5 даста аз ноҳияҳои Нуробод (ду даста), Рашт, Ҷиргатол ва ш.Роғун иштирок намуданд.                Маросими кушодашавии мусобиқа мусобиқа ботантана ва дар сатҳи баланд гузашт, ки дар он роҳбарияти ноҳия ва мухлисони сершумор иштирок карданд.                 Директори мактаби варзишии ноҳияи Ҷиргатол Бадиров Омилиддин таъкид намуд,ки пас аз истиқлолият чунин мусобиқа нахустин бор дар минтақаи мо мегузарад.                Дастаи наврасони ноҳияи Нуробод маҳорати хеле баланд нишон дода, сазовори роҳхат ба мусобиқаи ҷумҳурявӣ бахшида ба мураббии шоистаи Ҷумҳурии Тоҷикистон А.Терказарян, ки 20 июли соли равон дар шаҳри Душанбе оғоз меёбад, ноил гардид.                Ғолибон ва иштирокчиёни ин мусобиқа бо ҷомҳо, ифтихорномаҳо ва тӯҳфаҳо мукофотонида шуданд.