ХАРОҶОТИ БЕҲУДА КАМ КАРДА ШУД

                     Душанбе, 22 июл. (АМИТ «Ховар», Лаззат Диловарзод).- Бино ба иттилои ҷонишини аввали раиси шаҳри Ваҳдат Қиёмиддин Абдуллоев, ҳангоми маблағгузорӣ дар мадди аввал пардохти маблағи моддаҳои ҳимояшавандаи буҷа аз ҷумла, музди меҳнат, суғуртаи иҷтимоӣ, нафақа, стипендия, ёрдампулиҳо ва ҷубронпулиҳо, барои истифодаи қувваи барқ, газ ба назар гирифта шуда, хароҷоти беҳуда — сафарҳои хизматӣ, таъмири капиталӣ, чорабиниҳои сермасраф, истифодаи телефон, маводи конселярӣ- коргузорӣ ва дигар хароҷот кам карда шудааст.                   Боиси ёдоварист, ки ҷамъи даромадҳо ба буҷети шаҳр 8 миллиону 482 ҳазор сомониро ташкил дод, ки он баробари 101 фоизи нақша мебошад.                   Амалан даромади буҷаи маҳаллӣ нисбат ба соли гузашта 1 миллиону 12 ҳазор сомонӣ зиёд мебошад.