МАҶЛИСИ ШӮРОИ БАЙНИДАВЛАТИИ ИДМ

                  Маскав, 30 июл. (АМИТ «Ховар», Ҳалима Хушқадамова). — Имрӯз дар Маскав маҷлиси 23 — юми Шӯрои байнмидавлатии ИДМ бахшида ба пешгирӣ ва кам кардани фалокатҳои табиӣ ва дорои хусусияти техногенӣ кушода шуд.                   Иштирокчиёни маҷлис роҳу усулҳои ҳамкории мамлакатҳои ИДМ — ро дар бобати пешгирӣ кардан ва барҳам додани оқибати фалокатҳои табиӣ ва техногенӣ муайян менамоянд. Аз ҷумла, усулҳои дар амал татбиқ намудани нақшаи тадбирҳои асосии иҷрои барномаи рушди минбаъдаи иттиҳод, гузаронидани машқҳои корпуси қувваҳои ИДМ барои барҳам додани оқибатҳои фалокат ва дастраси ҳамдигар гардонидани маълумот дар ин хусус муҳокима карда мешавад.                 Шӯрои байнидавлатии ҳолатҳои фавқулоддаи ИДМ соли 1993 ташкил ёфта буд. Ба ҳайати он муовинони аввали вазорату идораҳо ва ташкилоту муассисаҳои дахлдори мамлакатҳои ИДМ шомиланд.