МАРОСИМИ РАСМИИ ИСТИҚБОЛИ ПРЕЗИДЕНТИ ПОКИСТОН
Душанбе, 29 июл. (АМИТ «Ховар», Наргис Бояхмедова, Пайрав Назаров). — Субҳи имрӯз дар майдони назди Қасри Миллат маросими истиқболи расмии Президенти Ҷумҳурии Исломии Покистон Осаф Алии Зардорӣ баргузор гардид, ки бегоҳии дирӯз барои боздиди нахустини расмӣ ба Тоҷикистон омада буд. Президенти Ҷумҳурии Тоҷикистон Эмомалӣ Раҳмон меҳмони олиқадрро самимона пешвоз гирифта, ӯро ба минбари ифтихор даъват намуд. Тибқи анъана, сардори дастаи посбонони ифтихорӣ ба меҳмони воломақом рапорти ҳозирбош дод. Сипас оҳангҳои миллии ҳар ду давлат садо доданд. Дастаи посбонони ифтихорӣ аз назди президентҳои ҳар ду кишвар бо қадамҳои низомӣ гузашт. Сарони ҳар ду давлат аъзои ҳайатҳои расмии мамлакатҳояшонро ба ҳамдигар муаррифӣ намуданд. Дар маросими истиқболи Президенти Покистон намояндагони корпуси дипломатии хориҷӣ ҳузур доштанд. Мухбирони АМИТ «Ховар» хабар медиҳанд, ки баъди анҷоми маросими истиқбол мулоқоти якка ба яккаи сарони ҳар ду давлат шурӯъ гардид. Сафари расмии Президенти Покистон дар Тоҷикистон се рӯз давом мекунад. Баъди мулоқоти якка ба яккаи сарони ҳар ду давлат гуфтушуниди ҳайатҳои ҳар ду ҷониб баргузор мегардад. Дар ҷараёни он масъалаҳои марбут ба ривоҷ додани муносибатҳои ҳар ду кишвар ва ҳамкории онҳо дар соҳаҳои гуногун муҳокима карда мешавад. Дар фарҷоми гуфтушунид имзои силсилаи ҳуҷҷатҳо ба нақша гирифта шудааст. Тарҷумон — Қудратов А.
Дар шаҳри Норак ҳашари экологии «Тозагии обанбор» баргузор гардид
Имрӯз дар Тоҷикистон ҳаво то 32 дараҷа гарм мешавад
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
