МУЛОҚОТИ САРОНИ ДАВЛАТҲОИ ТОҶИКИСТОНУ АФҒОНИСТОН ВА ПОКИСТОН
Душанбе, 30 июл. (АМИТ «Ховар», Пайрав Назаров, Фарангис Раҳимова). — Дар саробӯстони берунишаҳрии ҳукуматии «Варзоб» мулоқоти сеҷонибаи президентҳои Афғонистон Ҳамид Карзай, Покистон Осаф Алии Зардорӣ ва Тоҷикистон Эмомалӣ Раҳмон анҷом ёфт. Мусоҳибон масъалаҳои таъмини амнияти минтақа ва амалӣ сохтани барномаи минтақавии кашидани хатҳои интиқоли барқро мавриди баррасӣ қарор доданд. Тибқи барномаи мазкур аз Қирғизистон ва Тоҷикистон то Афғонистону Покистон хатҳои баландшиддати интиқоли барқ кашида хоҳанд шуд. Ҳамчунин ба масъалаҳои марбут ба интихоботи қарибулвуқӯи Президенти Афғонистон дахл карда шуд. Президенти Тоҷикистон Эмомалӣ Раҳмон дар оғози сӯҳбат зикр намуд, ки мулоқоти мазкур аҳамияти махсус дошта, ба равнақу ривоҷи минбаъдаи муносибатҳо ва ҳамкории Афғонистону Покистон ва Тоҷикистон кӯмаки калон мерасонад. Мухбири АМИТ «Ховар» хабар медиҳад, ки айни ҳол гуфтушуниди ҳайатҳои ҳар се мамлакат анҷом ёфт. Баъди анҷоми он президентҳои Тоҷикистону Афғонистон ва Покистон изҳороти муштарак имзо намуданд. Баъди имзои изҳороти муштарак барои намояндагони воситаҳои ахбори оммавӣ нишасти матбуотӣ ташкил карда хоҳад шуд. Тарҷумон — Қудратов А.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
