ОЗМУНИ БАЙНАЛХАЛҚИИ «ПАНҶ СИТОРАИ ИНТЕРВИЗИОН» БА ВАҚТИ ДИГАР ГУЗАРОНИДА ШУД

                    Душанбе, 15 июл. (АМИТ «Ховар», Лутфия Эшонқулова). — Муовини аввали раиси Кумитаи телевизион ва радиои назди Ҳукумати ҷумҳурӣ Абдураҳмон Абдуманнонов ба АМИТ «Ховар» хабар дод, ки озмуни байналхалқии овозхонони ҷавони «Панҷ ситораи интервизион — 2009» аз моҳи август ба фасли тирамоҳ гузаронида шуд. Рӯзи аниқи баргузор гардидани озмун ҳанӯз маълум нест.                     А.Абдуманнонов изҳор намуд, ки ин масъала дар маҷлиси ҳайати мушовараи кумита муҳокима шуд. Сабаби ба вақти дигар гузаронидани озмун ба он ҷалб намудани овозхонони ҷавони мамлакатҳои аъзои Созмони ҳамкории Шанхай мебошад. Ҳадафи ин иқдом боз ҳам баландтар бардоштани мақом ва эътибори озмун маънидод карда мешавад.                     Вобаста ба ин тартибу усулҳои нави гузаронидани озмун муқаррар карда хоҳанд шуд, гуфт дар хотима А.Абдуманнонов. Тарҷумон — Қудратов А.