САРОНИ ДАВЛАТҲОИ АФҒОНИСТОНУ ПОКИСТОН ВА РУСИЯ ДАР ҶТ МУЛОҚОТ МЕКУНАН
Душанбе, 27 июл. (АМИТ «Ховар», Наргис Бояхмедова). — Президенти Ҷумҳурии Исломии Покистон Осаф Алии Зардорӣ 28 июл барои боздиди нахустини расмӣ ба Тоҷикистон ташриф меорад. Дар ин бора ба АМИТ «Ховар» роҳбари раёсати иттилооти ВКХ Тоҷикистон Давлат Назриев имрӯз зимни нишасти матбуотӣ хабар дод. Вай зикр намуд, ки Президенти Покистон зимни сафар бо Президенти Тоҷикистон Эмомалӣ Раҳмон мулоқот хоҳад кард. Сипас гуфтушуниди ҳайатҳои расмии ҳар ду мамлакат баргузор мегардад. Дар фарҷоми гуфтушунид имзои бьаъзе ҳуҷҷатҳои ҳамкорӣ ба нақша гирифта шудааст. Осаф Алии Зардорӣ дар мулоқоти сегонаи сарони давлатҳои Тоҷикистону Афғонистон ва Покистон, инчунин мулоқоти чорҷонибаи сарони давлатҳои Афғонистон, Тоҷикистон, Покистон ва Русия иштирок хоҳад кард. Ин мулоқотҳо 30 июл дар Душанбе баргузор мегардад. Баъди чошти 29 июл Президенти Давлати Исломии Афғонистон Ҳамид Карзай барои боздиди корӣ ба Душанбе меояд. Ӯ зимни сафар бо Президенти Тоҷикистон Эмомалӣ Раҳмон мулоқот анҷом дода, сипас дар маросими гузоштани хишти аввали бинои нави Сафоратхонаи мамлакаташ дар Тоҷикистон ширкат меварзад. Президенти Федератсияи Русия Дмитрий Медведев 30 июл барои боздиди корӣ ба Тоҷикистон хоҳад омад. Ӯ низ бо Президенти Тоҷикистон Эмомалӣ Раҳмон мулоқот анҷом медиҳад. Дмитрий Медведев дар шаҳри Душанбе бо сарони давлатҳои Афғонистону Покистон ва Тоҷикистон гуфтушунид хоҳад кард. Давлат Назриев дар фарҷоми нишасти матбуотӣ хабар дод, ки президентҳои Тоҷикистон ва Русия Эмомалӣ Раҳмон ва Дмитрий Медведев 31 июл дар маросими ботантанаи ба истифода додани нерӯгоҳи барқи обии «Сангтӯда — 1» иштирок хоҳанд кард, ки натиҷаи ҳамкории самарабахши иқтисодии Тоҷикистону Русия мебошад. Тарҷумон — Қудратов А.
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
