ШИРКАТИ «БАРҚИ ТОҶИК» БЕГОНАПАРАСТ ШУДААСТ

                     Душанбе, 1 июл. (АМИТ «Ховар», Лаззат Диловарзод).- Бино ба гуфти сармуҳандиси Ҷамъияти саҳомии шакли кушодаи «Трансформатор»-и шаҳри Қӯрғонтеппа, ширкати «Барқи тоҷик» бо сабаби пардохт накардани 1,2 млн. сомонӣ, ки аз корхонаи «Трансформатор» қарздор мебошад, боиси қатъ шудани фаъолияти меҳнатии коргарони корхона гардид. Корхона 100 нафар коргаронашро ба рухсатии бемузд фиристод.Ба гуфти мутахассисони корхона, сабаби дигари аз фаъолият бозмонии ҶСШК «Трансформатор» ба савдо нарафтани маҳсулоти истеҳсолшуда мебошад.                     Харидори асосии маҳсулоти истеҳсолкардаи корхона ширкати «Барқи тоҷик» мебошад, аммо аз чӣ бошад, ки «Барқи тоҷик» ба ҷои маҳсулоти арзони ин корхона трасформаторҳои истехсоли Ҷумҳурии Арманистонро харидорӣ мекунад.                    Ҳоло дар анбори корхона беш аз 80 адад трансформатор нигоҳ дошта мешавад.