СОХТМОНИ ПУЛИ МОШИНГАРД ДАР АРАФАИ АНҶОМЁБИСТ
Рашт, 1 июл. (АМИТ «Ховар», Мирзосафар Ризвонов). Таҷдиди сохтмони даври дуюми роҳи байни Душанбе-Ҷиргатол бомуваффақият давом дорад. Дар баробари сохтмони роҳ инчунин сохтмони пули мошингузари болои дарёи Сурхоб, ки ноҳияҳои Рашту Тоҷикободро мепайвандад, кор босуръат давом дорад.Чор сол боз бо сабаби офати табиӣ ин пул хароб гардида, рафту омад барои мардуми ноҳияҳои Тоҷикободу Ҷиргатол мушкилоти зиёдеро пеш меоварад, зеро ҳаракати нақлиёт тариқи роҳи Нимич-Ҳоит-Сайрон сурат мегирифт. Айни ҳол сохтмони кӯпрук идома дошта, дарозии он 210 метр бараш 10,5 метру, борбардориаш 150 тоннаро ташкил медиҳад, гуфт муҳандис Бахтиёр Афзалшоев аз ширкати «Кордно». Ҳоло 70 фоизи кори сохтмону васлкунии пул ба сомон расидааст. Сохтмончиён ният доранд, ки онро дар арафаи ҷашни Истиқлолияти ҷумҳурӣ ба истифода диҳанд.
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
