ТАҶЛИЛИ РӮЗИ МАЪЮБОН ВА ПИРОНСОЛОН

              Душанбе, 2 июл. (АМИТ «Ховар», Бекназари Абӯбакр). — Аз соли 2004 инҷониб ҳар сол 8 июл дар Ҷумҳурии Тоҷикистон Рӯзи маъюбон ва пиронсолон ҷашн гирифта мешавад. Аз Ташкилоти ҷамъиятии «Иттиҳодияи маъюбони Тоҷикистон» ба АМИТ «Ховар» иттилоъ доданд, ки ҳамасола дар Рӯзи маъюбон ва пиронсолон бо ибтикори ин ташкилот чорабиниҳои идона бо иштироки маъюбони шаҳри Душанбе ва намояндагони ташкилотҳои минтақавии Иттиҳодия баргузор мегардад.              Мувофиқи нақша 8 июл ҷаласаи тантанавӣ бо иштироки маъюбон дар толори Маркази фарҳангии ҷaвонон «Ориёно» баргузор мегардад.              Дар фарҷоми ин ҷаласа чорабиниҳои фарҳангӣ бо иштироки ҳаваскорони маъюб дар назар дошта шудааст. Ҳадафи аслии баргузории ин чорабиниҳо исбот кардани он, ки маъюбон низ узви ҷудонашавандаи ҷомеа мебошанд.