ТАШРИФИ ПРЕЗИДЕНТИ АФҒОНИСТОН БА ТОҶИКИСТОН

                      Душанбе, 29 июл. (АМИТ «Ховар», Наргис Бояхмедова). — Президенти Давлати Исломии Афғонистон Ҳамид Карзай баъди чошти имрӯз барои боздиди корӣ ба Тоҷикистон омад. Ӯро дар майдони ҳавоии пойтахт Сарвазири ҷумҳурӣ Оқил Оқил пешвоз гирифт.                     Тибқи нақшаи сафар, Президенти Афғонистон бо Президенти Ҷумҳурии Тоҷикистон Эмомалӣ Раҳмон мулоқот хоҳад кард. Дар фарҷоми мулоқоти онҳо силсилаи ҳуҷҷатҳои ҳамкорӣ имзо карда мешаванд.                      Аз вазорати корҳои хориҷии Тоҷикистон ба АМИТ «Ховар» хабар доданд, ки роҳбари давлати Афғонистон дар мулоқотҳои дуҷонибаю сеҷониба ва чорҷониба бо иштироки сарони давлатҳои Покистону Русия ва Тоҷикистон ширкат хоҳад варзид.                      Хабар дода мешавад, ки Ҳамид Карзай дар ҷараёни сафараш дар маросими гузоштани хишти аввали бинои сафоратхонаи Давлати Исломии Афғонистон дар Тоҷикистон иштирок менамояд.                                                                                                           Тарҷумон — Қудратов А.