АМАЛИЁТИ ТЕРРОРИСТӢ ДАР КАНДАҲОР

                   Кобул, 26 август. (АМИТ «Ховар» — РБК.ру). — Рӯзи гузашта дар шаҳри Кандаҳор дар назди бинои Ширкати сохтмонии Ҷопон якбора 5 мошини сабукрави муҷаҳҳаз бо маводи тарканда тарконда шуд. Дар натиҷаи ин таркишҳо 41 нафар кушта ва 66 нафар маҷрӯҳ шуд.                    Ба қавли шоҳидон қувваи таркиш хеле калон буд, зеро бо таъсири он на танҳо бинои ширкат, балки тамоми биноҳои ҳамсоя ва қариб 40 дӯкону мағоза харобу валангор гардиданд. Шахсони номаълум баъди таркишҳо кӯчаҳои шаҳрро тирборон карданд.                   Бояд гуфт, ки амалиёти силоҳбадастон баъди интихоботи президент дар қисми зиёди минтақаҳои мамлакат рӯз то рӯз бештар авҷ мегирад.