БАЙТОРҲОИ ТОҶИК ДАР ИМА ТАҶРИБА ОМӮХТАНД
Душанбе, 21 август. (АМИТ «Ховар», Людмила Дубинина). — Чанд рӯз пеш 10 нафар кормандони муассисаҳои байтории Тоҷикистон аз сафари Иёлоти Муттаҳидаи Амрико баргашт. Онҳо бо ташаббуси созмони «Шӯрои мубодилаи мутахассисони ИМА» тибқи барномаи «Равобити ҷамоатҳо», ки барои мутахассисон ва соҳибкорону тоҷирони мамлакатҳои Евразия таҳия карда шудааст, тӯли се ҳафта дар шаҳри Де Мойни иёлати Айова таҷриба омӯхтанд. Ба ҳайат кормандони муассисаҳои байтории давлатию хусусии вилоятҳои Суғду Хатлон, ноҳияҳои тобеи марказ ва шаҳри Душанбе шомил буданд. Мутахассисони тоҷик дар оилаҳои амрикоӣ зиндагӣ карда бо коршиносони соҳаи байторӣ вохӯрда, таҷрибаи онҳоро омӯхтанд. Менеҷери ташхиси доруҳои байтории филиали яке аз ширкатҳои хусусии шаҳри Душанбе Сӯҳроб Рустамов ба мухбири АМИТ «Ховар» гуфт, ки зимни сафар бо фаъолияти яке аз шифохонаҳои шахсӣ ва барномаҳои таълимии мактабҳои байтории ИМА шинос шудааст. Ман дар оилае зиндагӣ мекардам, ки дар он зану шавҳар ба табобати чорво машғул буданд. Онҳо чорвои беморро бо истифода аз асбобу анҷом ва таҷҳизоти навтарин ҷарроҳӣ мекарданд. Мутаассифона дар мо чунин асбобу анҷом вуҷуд надорад. Ман кӯшиш хоҳам кард, ки оянда баъзеи ин асбобу анҷомро ба Душанбе оварда, мавриди истифода қарор диҳам. Духтури байтори шифохонаи хусусии байтории «Шифо» — и шаҳри Конибодом Аҳадҷон Аъзамов зикр намуд, ки омӯзиши таҷрибаи духтурони ҳайвоноти амрикоӣ, хусусан дар бобати ташхиси беморӣ фоидаи калон дорад. Дар фарҷоми сӯҳбат мутахассиси Раёсати назорати давлатии байтории шаҳри Душанбе Муяссара Тошматова ба ташкилкунандагони сафар изҳори сипос намуд. Мухбири АМИТ «Ховар» хабар медиҳад, ки дар ин мулоқот муовини сафири ИМА дар Тоҷикистон Ниша Куаст, муовини директори намояндагии Агентии рушди Амрико дар Тоҷикистон Кевин Дин ва мушовири Муассисаи озуқавории СММ Шарофҷон Раҳимов ширкат варзиданд. Тарҷумон — Қудратов А.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
