БАРНОМАҲОИ БОНКИ РУШДИ ОСИЁ ДАР ТОҶИКИСТОН АМАЛӢ КАРДА МЕШАВАНД

                    Душанбе, 18 август. (АМИТ «Ховар», Кристина Эрлих). — Айни ҳол шабакаҳои обрасонии панҷ ноҳияи чор минтақаи ҷумҳурӣ тармим карда мешавад.                    Дар вилояти Суғд шабакаи обрасонии «Ашт — 1» пурра барқарор карда хоҳад шуд. Дар ноҳияҳои тобеи марказ бояд тамоми шабакаи обрасонии ноҳияи Ваҳдат тармим карда шавад. Дар вилояти Хатлон шабакаҳои обрасонии ноҳияҳои Фархор ва Панҷ, дар ВМКБ шабакаи обрасонии ноҳияи Рӯшон тармим карда мешаванд. Вазорати мелиоратсия ва захираҳои оби ҷумҳурӣ ва Бонки рушди Осиё барои тармими шабакаҳои обрасонии зикршуда барномаи махсус таҳия намудаанд. Пардохти хароҷоти ин барномаро Бонки рушди Осиё ба зимма гирифтааст.                   Дар натиҷаи амалӣ сохтани он шароити зиндагии 262 ҳазор сокини деҳот беҳтар хоҳад гашт. Бояд гуфт, ки аз ин ҷумла, 153 ҳазор нафар даромади ночиз мегиранд ва шароити зиндагии онҳо ниҳоят вазнин мебошад. Барнома бояд то соли 2012 пурра иҷро карда шавад. Тарҷумон — Қудратов А.