БОЗ ЯК ФОҶИА АЗ БЕЭҲТИЁТӢ

                 Душанбе, 26 август. (АМИТ «Ховар», Жасмин Назарова). — Тавре ба хабарнигори АМИТ «Ховар» аз дафтари матбуоти Вазорати корҳои дохилии ҶТ иттилоъ доданд, 25 августи соли равон соати тақрибан 8 — и субҳ ронандаи автомашинаи тамғаи «Оpel-Vеktra» рақами давлатиаш ЕВ 83 13 РТ 01 Исмоилҷон Абдураҳмонов, соли таваллудаш 1988, сокини ноҳияи Ваҳдат, ҳангоми ҳаракат дар роҳи Душанбе — Ваҳдат дар наздикии деҳаи Пистамазор, пиёдагард Тоҷинисо Қодирова, соли таваллудаш 1960, истиқоматкунандаи ноҳияи Восеъро зер кардааст. Ҷабрдида ҷароҳати сахти ҷисмонӣ гирифта дар беморхонаи шаҳри Ваҳдат ба ҳалокат расид.