ДАР ҲУКУМАТИ НОҲИЯИ РӮДАКӢ 21 АРИЗА РАД КАРДА ШУД

                 Душанбе, 13 август. (АМИТ «Ховар», Лаззат Диловарзод).- Дар ноҳияи Рӯдакӣ то 1 — уми июли соли ҷорӣ 20 ҳазору 123 нафар нафақахӯр ба қайд гирифта шудааст, ки талаботи умумии нафақагирон ба нафақа ва иловапулиҳо ба 1 млн. 644 ҳазору 795 сомонӣ баробар аст.                 Нафақаи миёнаи иштирокчиёни ҶБВ 441, 2 сомонӣ буда, нисбати ҳамин давраи соли гузашта 243,6 сомонӣ зиёд гардид. Боиси тазаккур аст, ки аз ҳисоби зиёд шудани корхонаҳо ва бештар ворид гардидани андоз ба хазинаи давлат нафақаи миёнаи нафақахӯрони ҶБВ зиёд карда шуд.                Оид ба таъин ва бозҳисоби нафақа 1448 нафар шаҳрванд муроҷиат намуданд, ки аризаи 1427 нафари онҳо дар мӯҳлати муқаррар намудаи қонун қонеъ гардонида шуда, аризаи 21 нафар муроҷиаткунанда барои чораҷӯӣ ба идораҳои дахлдор фиристонида шуданд.