КӮМАК БА КӮДАКОНИ МАЪСУМ ДАР МОҲИ РАМАЗОН
Душанбе, 26 август.(АМИТ «Ховар», Марзия Саидова).-Дар моҳи шарифи Рамазон, ки моҳи хайру эҳсон аст аз ҷониби намояндагии Кумитаи байналмилалии имдоди имом Хумайнии Эрон дар Тоҷикистон дар ҳамкорӣ бо Маркази фарҳангии «Ориёно»-и назди Кумитаи кор бо ҷавонон, варзиш ва сайёҳии назди Ҳукумати ҷумҳурӣ ба 50 нафар тарбиятгирандагони Хонаи бачаҳои №1-и шаҳри Душанбе кӯмак расонида шуд. Кӯмак аз либос ва маводи ғизоӣ иборат буд. Бояд зикр кард, ки либосҳое, ки ба 50 нафар тарбиятгирандагони Хонаи бачаҳои №1 ҳадя гардид, маҳсули дастони чеварҳои Маркази омӯзишии хаётӣ аст, ки бо ибтикори намояндагии Кумитаи имдод дар назди Маркази фарҳангии «Ориёно» кушода шудааст. Бояд зикр кард, ки дар Хонаи бачаҳои №1- и пойтахт беш аз 100 нафар бачаҳои бепарастор ва ятим ба тарбия фаро гирифта шудаанд. Тибқи иттилои мудири намояндагии Кумитаи байналмилалии имдоди Имом Хумайнии Эрон дар Тоҷикистон Сайидҷаводи Разавӣ, масъулини Кумита тасмим гирифтаанд, ки дар моҳи шарифи Рамазон дар ҳамкорӣ бо мақомоту идораҳои марбутаи Тоҷикистон дар як қатор хонаи бачаҳо, мактаб -интернатҳо ва хонаҳои кӯҳансолон маъракаи ифтор ташкил намуда, ба онҳо кӯмаки моддӣ расонад
Имрӯз дар дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
