КОРВОНИ КИТОБ- ВОРИДИ ХОРУҒ ШУД

                   Бадахшон, 26 август. (АМИТ «Ховар», Л. Додо).- 24 август «Корвони китоб» бо ибтикори Дастгоҳи иҷроияи Президенти ҷумҳурӣ вориди Бадахшон гардид. Маросими истиқболи корвон дар ҳавлии мактаби рақами 2-и шаҳри Хоруғ баргузор гардид. Рӯи ҳавлии мактабро шиору овезаҳои «Китоб маҳзани дониш», «Китоб дар радифи Модар ва Ватан арзандатарин муқаддасот шуморида мешавад» оро медоданд. Тавре сармутахассиси Корхонаи таъмин ва савдои «китоб» Муносиб Шарипов иттилоъ дод, бори корвон 10 ҳазор нусха китоб, ки аз 132 номгӯй иборат аст ва 27 ҳазор сомонӣ масраф шудааст. Ҳукумати ҷумҳурӣ ба хотири рушди фарҳанг эътибори ҷиддӣ медиҳад.