МАОШИ МОҲИПАРВАРОН АЗ ҲАМА ПАСТ АСТ

                   Душанбе, 11 август. (АМИТ «Ховар», Лаззат Диловарзод).-Маълумоти оморӣ нишон дод, ки дар соҳаи истеҳсолоти неъматҳои моддӣ дар моҳҳои май — июни соли ҷорӣ музди меҳнати кормандони соҳаҳои кишоварзӣ ва моҳипарварӣ аз ҳама камтар аст.                   Дар ду моҳи охири соли ҷорӣ музди меҳнати кормандони соҳаи кишоварзӣ ба 74 сомонӣ ва моҳипарварон ба 115 сомонӣ баробар шуд, ки миёни дигар кормандони ба истеҳсолот машғул камтарин музди меҳнат ҳисоб меёбад.                  Музди кори аз ҳама баланд дар соҳаи сохтмон — 670, 35, сомонӣ, нақлиёт — 632,80, алоқа — 591,59 ва саноат 447,66 сомонӣ мебошад.                  Умуман дар ин давра, дар соҳаи истеҳсолоти неъматҳои моддӣ музди миёнаи ҳармоҳаи кор 250, 39 сомониро ташкил дод.                  Дар байни соҳаҳои ғайриистеҳсолӣ музди миёнаи кормандони молия ва мақомоти қарзгузорӣ аз ҳама зиёд — 960, 13 сомониро ташкил дод, ё ба таври дигар, дар нимсолаи якуми соли ҷорӣ музди меҳнати миёнаи кормандони ғайриистеҳсолӣ ба 266,73 сомонӣ баробар шуд.