МУНОСИБАТҲОИ ТОҶИКИСТОНУ ҚИРҒИЗИСТОН МУТТАСИЛ ГУСТАРИШ МЕЁБАНД
Душанбе, 6 август. (АМИТ «Ховар», Наргис Бояхмедова, Пайрав Назаров). — Имрӯз дар шаҳри Душанбе маҷлиси нахустини Шӯрои вазирони корҳои хориҷии Тоҷикистону Қирғизистон баргузор гардид. Ҳайати Ҷумҳурии Қирғизистон дар маҷлис таҳти роҳбарии вазири корҳои хориҷии ин мамлакат Қодирбек Сорбоев иштирок намуд. Зимни маҷлис масъалаҳои ҳамкории дуҷонибаю бисёрҷонибаи Тоҷикистону Қирғизистон ва масъалаҳои таъмини амнияти минтақа муҳокима шуданд. Дар фарҷоми он Протоколи маҷлиси нахустини Шӯрои вазирони корҳои хориҷии Тоҷикистону Қирғизистон, барномаи ҳамкории вазоратҳои корҳои хориҷии ҳар ду кишвар дар давраи солҳои 2009 — 2010, Протоколи мубодилаи тасвибномаҳои созишномаи Ҷумҳурии Тоҷикистон ва Ҷумҳурии Қирғизистон дар бораи ҳамкорӣ дар соҳаи ҳарбӣ ва Пртоколи мубодилаи тасвибномаҳои Созишномаи тартиботи рафту омад ва ҳамкории кормандони мақомоти муҳофизи қонуну тартибот ва мақомоти махсуси Ҷумҳурии Тоҷикистон ва Ҷумҳурии Қирғизистон дар ҳудуди кишварҳои ҳамдигар имзо карда шуданд. Баъди маросими имзои ҳуҷҷатҳо вазири корҳои хориҷии Тоҷикистон Ҳамрохон Зарифӣ изҳор намуд, ки мулоқоти мазкур дар доираи паймони сарони ҳар ду давлат баргузор гардид. Зимни мулоқот масъалаҳои марбут ба густариши ҳамкорӣ дар соҳаҳои сиёсату иқтисод, илму фарҳанг ва ҳамкории гуманитарӣ баррасӣ шуданд. Ҳ.Зарифӣ афзуд, ки муносибатҳои ҳар ду мамлакат тӯли солҳои охир муттасил густариш меёбанд. Вазири корҳои хориҷии Қирғизистон Қодирбек Сорбоев зикр кард, ки мулоқоти имрӯза ба густариши муносибатҳои дуҷониба нерӯи тоза мебахшад. Тоҷикистон ва Қирғизистон барои равнақу ривоҷи ҳамкорӣ ва таъмини ҳаёти осоиштаи мардум имкониятҳои калон доранд, гуфт вай.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
