МУСОБИҚА АНҶОМ ЁФТ

                   Душанбе, 24 август. (АМИТ «Ховар», Фирдавс Таваров).- Дар шаҳри Хуҷанд мусобиқаи кушоди теннисбозон барои ба даст овардани ҷоизаи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба охир расид. Дар мусобиқа теннисбозони машҳури Тоҷикистон, инчунин варзишгарони Ӯзбекистон низ иштирок намуданд.                  Дар қувваозмоиҳои хотимавии мусобиқа, ки 19 август баргузор гардид, варзишгари тоҷик: Мирҳусейн Яҳёев ва Анвар Раҳматов, дар байни занон намояндагони Ӯзбекистон Виктория Карменова ва Арина Фолц қувва озмуданд.                 Дар натиҷа дар байни мардҳо Мирҳусейн Яҳёев ва аз байни занҳо Виктория Карменова ғалабаро ба даст оварданд.                 Дар мусобиқаи дукаса дар байни мардҳо Аҳмадҷони Муҳаммад ва Бахтиёр Сайдуллоев, дар байни занҳо ҷуфти Виктория Карменова ва Арина Фолц ғолиб омаданд. Дар ин бора ба АМИТ «Ховар» аз Федератсияи тенниси Ҷумҳурии Тоҷикистон хабар доданд.