СОҲИБКОРОНИ АРАБИСТОНИ САУДӢ ДАР ТОҶИКИСТОН

                   Душанбе, 4 август. (АМИТ «Ховар», Покиза Маҳмадбекова). — Муовини аввали раиси Палатаи савдо ва саноати ҷумҳурӣ Одил Сангов бо соҳибкорони Арабистони Саудӣ Ҳосим Осмон Ромиз Алҷабборӣ ва Камол Алҷаводӣ мулоқот анҷом дод. Тавре аз дафтари матбуоти Палатаи савдо ва саноати ҷумҳурӣ ба АМИТ «Ховар» хабар доданд, меҳмонон изҳор намуданд, ки тайёранд ба соҳаҳои асосӣ ва муҳимтарини иқтисодиёти мамлакати мо сармоя гузоранд. Онҳо бо ин мақсад бо соҳаҳои ба гузоштани сармоя ниёзманди иқтисодиёти Тоҷикистон ва имкониятҳои бо ин мақсад дар қонунгузории мамлакати мо пешбинишуда дар бораи имтиёзҳо ба сармоягузорон шинос гардиданд.                  Одил Сангов зимни сӯҳбат ба меҳмонон дар бораи самтҳои афзалиятноки сармоягузорӣ дар иқтисодиёти Тоҷикистон, аз ҷумла, истихроҷи қувваи барқ, истифодаи захираҳои об, истихроҷи маъдан, саноати сабук ва химия, дастгоҳсозӣ, сохтмони роҳу кӯпрукҳо, алоқа, сохтмони манзил ва коркарди маҳсулоти кишоварзӣ маълумоти муфассал дод.                                                                                                    Тарҷумон — Қудратов А.