ТАРМИМИ ТЕРМИНАЛИ ФУРӮДГОҲ
Душанбе, 5 август. (АМИТ «Ховар», Кристина Эрлих).- Чанд рӯз пеш Ҳукумати Ҷумҳурии Тоҷикистон ва Ҳукумати Фаронса дар бораи сохтмони терминали нави байналхалқии фурӯдгоҳи Душанбе протокол имзо карданд. Дар ин бора ба АМИТ «Ховар» аз фурӯдгоҳи байналхалқии Душанбе хабар доданд. Барои сохтмони терминал 27 миллион евро сарф карда мешавад, ки 20 миллион еврои онро ҷониби Фаронса ва 7 миллион евроро ҷониби Тоҷикистон ҷудо хоҳад кард. Айни ҳол, бо ширкати «КОВОК»-и Фаронса дар бораи тармиму таҷдиди терминали фурӯдгоҳи байналхалқии Душанбе гуфтушунид карда мешавад. Ширкати мазкур яке аз корхонаҳои истеҳсолкунандаи таҷҳизоти назорати ташкил ва парвози ҳавопаймоҳо мебошад. Таҷҳизоти мазкур ба Тоҷикистон ба тариқи нася бо шарти пардохти маблағи он дар давоми 2 сол фурӯхта мешавад. Ин имкон медиҳад, ки таҷҳизоти нави замонавӣ мавриди истифода қарор дода, сифати хизматрасонӣ ба мусофирон беҳтар карда шавад. Мухбири АМИТ «Ховар» хабар медиҳад, ки ғайр аз ин ояндаи наздик дар фурӯдгоҳи байналхалқии Душанбе сайти алоҳидаи интернетӣ кушода хоҳад шуд. Тарҷумаи Зебо Иноятова
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
