ТОЛИБОН ТАҲДИД МЕНАМОЯНД

                           Кобул, 17 август. (АМИТ «Ховар» — РБК. ру). — Гурӯҳҳои силоҳбадасти «Толибон» дар Афғонистон бори аввал рӯирост таҳдид намуданд, ки рӯзи интихоботи президенти мамлакат қитъаҳои интихобот ва овоздиҳиро метарконанд. Тавре хабар дода шуда буд, интихоботи президенти Афғонистон 20 август баргузор мегардад.                             Силоҳбадастони «Толибон» бори аввал дар байни аҳолии шаҳри Кандаҳор ва ноҳияҳои дигари қисмати ҷанубии Афғонистон варақаҳо паҳн намуданд. Дар варақаҳо аҳолии маҳаллӣ даъват карда мешавад, ки дар интихобот иштирок накунанд.                            Вазъи амният рӯзҳои охир дар арафаи интихоботи Афғонистон торафт нооромтар мегардад. 15 август дар натиҷаи таркиши як мошини муҷаҳҳаз бо маводи тарканда дар маркази шаҳри Кобул 7 нафар ҳалок ва қариб сад нафар маҷрӯҳ шуд. Ҳамон рӯз дар вилояти Ҳилманд як низомии британӣ дар натиҷаи таркиши мина ҳалок гардид.